Ապրիլի 9-ին Արևելյան դպրոցի բացօթյա միջավայրում կայացավ Էկո ցուցադրություն: Ցուցադրվեցին պատկերազարդ անձրևանոց-թիկնոցներ և պոլիէթիլենային տոպրակներից պատրաստված պայուսակներ: Աշխատանքների մասին պատմող նյութերը՝ Թերեզա Թոււմանյանի և Հասմիկ Թոփչյանի բլոգներում :
Continue reading «Էկո ցուցադրություն»
«Մխիթար Սեբաստացի» կրթահամալիրի և «Արի Օշական» երիտասարդական նախաձեռնության համագործակցության արդյունքում ապրիլի 8-ին Օշականի «Հացեկաց» հյուրատանը նշվեց Զատկի տոնը: Տարածքի ծիսական ձևավորման ընթացքը և վերջնական արդյունքը՝ լուսանկարներով:
Ապրիլի 9-ին` ժամը 13:00, Արևելյան դպրոցում «Փրկենք մոլորակը, ազատվենք թափոններից » խորագրով կկայանա ԷԿՈ ցուցադրություն:
Կցուցադրվեն էկո նախագծի ընթացքում ստեղծված պայուսակները, թիկնոցները, զարդերը:
Ցուցադրության համակարգողներ՝ Հասմիկ Թոփչյան, Թերեզա Թումանյան
Հարավային դպրոցի 4-րդ և 5-րդ դասարանների սովորողները տեխնոլոգիայի պարապմունքին, ուսումնասիրելով հնագույն ժամանակների քարանձավային պատկերները, ստեղծել են թեմատիկ կրծքազարդեր:
Նյութը՝ հաստ ստվարաթուղթ, գուաշ:
Աշխատանքի ընթացքի մասին՝ Արև Բալջյանի բլոգում:
Աշխատանքները ստեղծել են Ձոն ստուգատեսի շրջանակում Հյուսիսային դպրոցի դիզայնի ընտրությամբ խմբի 4-5-րդ և 2-3-րդ դասարանների սովորողները. աշխատել են խճանկարի տեխնիկայով:
Աշխատանքի ընթացքի մասին՝ Տաթև Աթոյանի բլոգում
Տարոն Անտոնյան 5-րդ դաս.
Զարդերը պատրաստել են Հյուսիսային դպրոցի դիզայնի ընտրությամբ խմբի և Միջին դպրոցի 6-8-րդ դասարանների սովորողները տեխնոլոգիայի դասավանդող Տաթև Աթոյանի գլխավորությամբ:
Նյութը՝ չմշակված կտավի կտոր, ստվարաթուղթ, գուաշ:
Աշխատանքները կարող եք գնել Սեբաստացի մոլից ցուցահանդես-վաճառքի ընթացքում:
Ցուցասրահում սկսում ենք «Մեր ուսուցիչները» նոր շարքը, որի էջերում կներկայանան կրթահամալիրի ստեղծագործ դասավանդողները։ Այս անգամ իր մասին կպատմի և աշխատանքները կներկայացնի Արևելյան դպրոցի տեխնոլոգիայի դասավանդող Հասմիկ Թոփչյանը:
Կարմրահեր, հետաքրքիր ոճով, Գուստավ Կլիմտի նկարով պայուսակով Հասմիկը ոչ միայն տարբերվում է իր արտաքին տեսքով, այլ նաև՝ ներաշխարհով…
Ողջույն: Ես Հասմիկն եմ Թոփչյան: Կրթահամալիրում աշխատում եմ 3 տարի: Ավարտել եմ Երևանի պետական մանկավարժական համալսարանի գեղանկարի բաժինը: Սկսել եմ նկարել 5-6 տարեկանից: 12 տարեկանից հաճախել եմ նկարչության լրացուցիչ պարապմունքների: Սիրում եմ զբոսնել, կարդալ, ճամփորդել, լուսանկարել: Ազատ ժամանակ ուսումնասիրում եմ տարբեր ազգերին, նրանց մշակույթը, արվեստը, խոհանոցը։ Կարծում եմ, որ չկա անհետաքրքիր ազգ կամ երկիր, կան չհետաքրքվող և անտեղյակ մարդիկ: Սիրելի գրողներից են ժ.Պ.Սարտր, Ա.Կամյու, Է.Մ.Ռեմարկ, Ֆ.Կաֆկա: Վերջին կարդացածս տպավորիչ գիրքն էր Դ.Քիզի «Ծաղիկներ Էլջերնոնի համար»: Նկարչական ուղղություններից սիրում եմ իմպրեսիոնիզմը և պոստիմպրեսիոնիզմը, Վան Գոգի գլխավորությամբ: Սիրելի նկարիչները շատ-շատ են, չառանձնացնեմ: Վերջերս ինձ համար բացահայտել եմ նոր հոբբի՝ տիկնիկագործություն: Գործում եմ տարբեր տեսակի փափուկ խաղալիքներ, այժմ միայն՝ կենդանիներ, շուտով կլինեն նաև տիկնիկներ…
Յուրաքանչյուրն ունի իր ճանապարհը՝ մեկը ստեղծում է մարդկային կյանք, մյուսը ստեղծում է կտավներ:
Վան Գոգ
