Բաժակի տակդիրներ

Աշխատանքները ստեղծել են Հյուսիսային դպրոցի 4-5-րդ դասարանների սովորողները։ Նկարազարդած փայտե տակդիրները «Ձոն» տեխնոլոգիական ստուգատեսի շրջանակում կներկայացվեն ցուցահանդես վաճառքի։
Դասավանդող՝ Տաթև Աթոյան

Այցելություն «Թղթե ականներ» պաստառների ցուցադրությանը

Փետրվարի 24-ին՝ 9-րդ դասարանի Համակարգչային գրաֆիկայի խումբը այցելել էր Ազգային պատկերասրահ` մասնակցելու Կամո Նիգարյանի «Թղթե ականներ» պաստառների ցուցադրությանը։
Ներկայացնում ենք սովորողների լուսաբանումները, ցուցադրության տեսանյութը և նկարաշարը։

Կլոր սեղան-ոսկեգործական զարդերի ցուցադրություն

Փետրվարի 16-ին, Արտասահմանում  կայացավ  Գեղարվեստի նախագծային ուսուցման կլոր սեղանը, որի ընթացքում կրթահամալիրի տեխնոլոգները, գեղարվեստի մասնագետները հանդես եկան իրենց գործունեության ամփոփիչ հաշվետվություններով, ինչպես նաեւ ներկայացրեցին «Ձոն» տեխնոլոգիական նախագծերը եւ խոսեցին առաջիկա անելիքների մասին։ Վիգեն Ավետիսի քանդակի դպրոցի ոսկեգործական լաբորատորիան ներկայացմանը կից հանդես եկավ ամփոփիչ փոքրիկ ցուցադրությամբ։ Ցուցադրությանը ներկայացված էին Հյուսիսային, Հարավային, Արևելյան, Միջին, Ավագ դպրոցների ոսկեգործության ընտրությամբ խմբերի սովորողների պատրաստած արույրե զարդերը:

Կլոր սեղանին, ցուցադրությանը մասնակից էին դասավանդողներ, ընտրությամբ գործունեության խմբերի սովորողներ, ծնողներ։
Դասավանդող և ցուցադրության համակարգող՝ Դավիթ Պետրոսյան։

Վարկանիշային ցուցահանդես

Փետրվարի 10-ին, ժամը՝ 15:00-ին Հայաստանի Նկարիչների Միությունում բացվեց հայաստանի երիտասարդ ստեղծագործողների ամենամյա Վարկանիշային ցուցահանդեսը, որտեղ ներկայացված էր նաև կրթահամալիրի քանդակի դասավանդող Ալիս Գևորգյանի աշխատանքը։ Ցուցահանդեսի բացմանը ներկա էին նաև կրթահամալիրի դասավանդողները և սովորողները։ Ստորև ներկայացնում ենք օրվա լուսանկարները։

Վարկանիշային ցուցահանդես

ՀՆՄ Վարկանիշային ցուցահանդես.

Սիրով տեղեկացնում և հրավիրում ենք փետրվարի 10-ին, ժամը՝ 15:00-ին Հայաստանի Նկարիչների Միություն, որտեղ տեղի կունենա Վարկանիշային ցուցահանդեսի բացումը:

Ցուցահանդեսում ներկայացված են երիտասարդ արվեստագետների աշխատանքներ, այդ թվում նաև՝ կրթահամալիրի

քանդակի դասավանդող Ալիս Գևորգյանի աշխատանքները։

Սիրով հրավիրում ենք․․․

Դասավանդողներն արվեստի գործերում

Քոլեջի «Վեբ դիզայն» բաժնի 1-ին և 2-րդ կուրսերի ուսանողները և 9-10-րդ դասարանների «Համակարգչային գրաֆիկա» ընտրությամբ խմբի սովորողները «Դասավանդողներն արվեստի գործերում» նախագծի շրջանակում ներկայացնում են Adobe Photoshop-ով իրենց ստեղծած կոլաժները։

«Ուսումնական արդյունք» ցուցադրություն

Փետրվարի 1-ին՝ ժամը 13։00, Գեղարվեստի դպրոցի ցուցասրահում կայացավ գծանկարի և գունանկարի արվեստանոցների առաջին կիսամյակի ամփոփիչ ցուցադրությունը, որտեղ ներկայացված էին 6-12-րդ դասարանների սովորողների աշխատանքները:
Համակարգողներ` Կարեն Մկրտչյան, Գագիկ Չարչյան